Menu Close

Toto Kutaneh Karo

Voc. Aci Br Sembiring, Eso Pandia, Malem Krina Br Tarigan, Usman Ginting
Cipt. Eso Pandia

o taneh karo simalem
engkai bage jadina
deleng Sinabung merara
nggebuk melas pe enggo kel seh ku keparna

lanai kel lit perik si rende
lanai kel lit rudang mejile
amin i tatap ku kolu kukahe
kuta kemulihen teruh Sinabung enggo murde

kuta kemulihen enggo murde

o taneh karo melias
ngadi kam meruntus
kuja nari kami lawes
adi i je kel taneh inganku tubuh

enggo nge bias kami nilah
nilah mandah kuta sebelah
iluh simambur bias me gelah
keri kuberngi reh lah min matawari sicerah

sinuan sinuan juma enggo kel kerah
aronta ndube gundari terlolah-lolah
sigel-gel merdang merdem mburo ate tedeh
kerja tahun sora rende salih terndele

oh nande bapa totonta lah sipegegeh
sebab sijadi e lalit dalinta ergegeh

oh taneh karo simalem
inganta cio cilinggem
oh taneh karo melias
ngadi min kena meruntus

oh taneh karo simalem
inganta cio cilinggem
oh taneh karo melias
ngadi min kena meruntus

Toto Kutaneh Karo - Aci Br Sembiring Eso Pandia Malem Krina Br Tarigan Usman Ginting (11904 downloads )
Subscribe
Notify of
guest

0 Comments
Inline Feedbacks
View all comments
0
Would love your thoughts, please comment.x
()
x