Tading Arah Lebe

Voc. Aci Br Sembiring
Cipt. Usman Ginting

la sahun bangku kelandu ndai nande
ula min ndabuh iluhndu
ula min menek pusuhndu nande

gelah enggo tampil anakku e bage atendu
bas la ngasup e pe nande i akukenndu
gelah ula mela anakku e bage atendu
si mberat e pe nande i jingkangkenndu
bage pe lasam nande lasam bage
bage pe lasam nande lasam nande

kelandu e aku tetap atena nande
tapi la bage ukur kade-kadena kepe
suina ndauh cedan kel ate kelandu e
endam kepe nanamna tading arah lebe

ula teriluh-iluh sakit kel kam pagi Iting
ula tertulih-tulih bagem babanta nggeluh
ukurndu enggom kuangka aku atendu ngena
pagit sikerajangenta kugengken me sisada

Aci Br Sembiring - Tading Arah Lebe (2322 downloads)

Siraja Serpi

Voc. Anta Prima Ginting
Cipt. Sio Ginting

rimo Bunga rimo Kacemba batang pola nge erculiki
nande karo ateku ngena tapi la senang mama ras mami
la senang mama ras mami perbahan aku la pegawai negeri
lanai bo ia ngukuri ateku keleng ateku jadi

dungna seh me bas sada wari
reh tuan takur si nungkuni
meriah ukur mama ras mami
perban reh si nungkuni si raja serpi

sada minggu la engkelangi
si tuan takur reh tiap berngi
curiga mama ras mami
si tuan takur terjeng naki-naki

endam mama endam mami
adina serpi mainen doni
mesera gia geluhku baba
ula kam sangsi mami
anakndu e pagi kutami-tami

Anta Prima Ginting - Siraja Serpi (779 downloads)

Udan Erpagi-pagi

Voc. Robby Ginting
Cipt. Robby Ginting

bagi udan erpagi-pagi agiku
pernaktak iluh mambur kubaba
medede tempa la lit ngadina mesayang
ngonggar ngonggar kerna arihta sontar

keri risona penadingkenndu Biringku
lanai lit malemna bas pusuhku
keri latihna ndalani wari sisada
ngunte-ngunte persuina ukurku

kuja kuja perlawesku
adi lanai kin ras kena
papak sisada ibas gelapna berngi
maba ateku mesui
maba ateku mesui

Robby Ginting - Udan Erpagi-Pagi (1122 downloads)

La Kumorahi

Voc. Feber Magdalena Br Ginting
Cipt. Madsen S

maka kupesken pe lanai njumpai kena
seh kel sedakna pusuhku perbahanenndu
enggo piga kali turang aku tokohindu
eme dalanna aku lawes ngelokken janji

lanai kungasup ngaloken kekelengenndu
enggo me bias mesayang perbahanenndu
enggo me turang ula nai morahi
enda ku lawes ma Biring erbuni-buni

sekali kam ngaku salah
dua kali aku i toganndu
dua kali kam ngaku lepak
enggo pitu kali ma Biring aku i bualindu
enggo pitu kali turang aku i bualindu

nande Ginting gia nindu ngelebuh aku ma Biring
bere Ribu gia nindu la erngadi-ngadi bere Karo
lanai bo lit si man timanken
enggo me bias ma Biring ola morahsa
enggo me turang enggo me mesayang
aku lawes ntah labo pepagi mulih

Feber Magdalena Br Ginting - La Kumorahi (1882 downloads)

Tebar Pesona

Voc. Aci Br Sembiring
Cipt. Darto Keling GM

gaya cirem pengen matandu ena
seh kel liarna oh mama gintingku
bagi mata pune sereng kujah serengna kujenda
mulih ulih lawes kujah kujenda
bagi gosoken perdalanenndu ena

la nge kam mbiar keri kari tapak selopndu ena
motor Kama terus ku pajak singa
Kacaribu jahena Kandibata
ula min kena tebar-tebar pesona
nande biringndu labo banci tergoda

sabah Kenjahe turang lepar tapin
uruk Melawir mbue turah ranggasna
ula min lalap kam cari perhatin
nande biring enggo kel lit punana
bere ribundu enggo lit si engkelengisa

Aci Br Sembiring - Tebar Pesona (902 downloads)

Kebaya Renda Renda

Voc. Veronika Br Bangun
Cipt. Jova Elke Tarigan

rembang ndube cahar terang bulanna
kita duana pedeher petungko
terbelas pudun janji simeciho
ersada arih paksa meriah meriso

andiko erdegup rempet erdegup jantungku
tungkuk tungkuk kel aku mela mela
lanai kutahan sering-seringna
malem min atendu nde ribu kena punana

sada wari saja kita la jumpa
terbayang metedeh ndarami kena
emaka metami la pernah aku metogan
ukurndu sambar mbiar kel aku ma tigan

andiko gantengna kena erbatik sutra
padu ras bajuku kebaya renda renda
landek me kita sepengodak ate ngena
bas berngi enda kita me bintang filmna

nde gantengna mama tiganku enda
nggirgir ke pusuhku natapsa cirem manisna
kutuduken menda ateta ngena e
dingen kuendeken ateku keleng e
ula nai min sirang arihta duana
jumpa ate malem senang ras mambarna

nde gantengna mesayangku enda
nggirgir kel pusuhku natapsa cirem manisna
kutuduken menda ateta ngena e
dingen kuendeken ateku keleng e
ula nai min sirang ras mama Tiganna
jumpa ate malem senang ras mambarna

Veronika Br Bangun - Kebaya Renda Renda (5184 downloads)

Toto Kalimbubu

Voc. Egi Suranta Ginting
Cipt. Salman Sitepu

Sungkuni cuba nande orati permenndu e
ma lenga bo lit janji nari ras sideban
ersura kel nge aku njumpaken anak kalimbubu
sigancih sambarna temanku arih

sanga aku encari labo terlepas toto kalimbubu
labo beluhta ndube nande labo gegehta
rikutken si erkuasa ngayoken toto kalimbubu
em ndube sierbansa aku bagenda

tuhu gundari jamanna la jaman Siti Nurbaya
labo lit salah nuriken ukur man kalimbubu
sura-surangku kin pe nande
nde erpengue permenndu e
ia min pagi temanndu arih ibas jabuku

alu bage pagi nande lit kemalemen ibas pusuhndu
kalimbubunta pe pagi usur lit turah tedehna
tambah-tambahna ertoto kita nandeku man si erkuasa
gelah pejumpana aku anakndu ras anak kalimbubu

jadi simulih toto kalimbubu

Egi Suranta Ginting - Toto Kalimbubu (6586 downloads)

Lanai

Voc. Tania Br Sembiring
Cipt. Andi Rallo Ginting

lanai lanai aku lanai
enggo puas aku rate mesui
enggo bias ula nai tambahi

enggo terjeng jenda saja
arih-arihta lanai terpegedang
lanai bo rulih amin pe megenggeng

enggo me turang pangen kita sirang
kusuruti sope aku terbuang

enggo medu aku ngidah-ngidah lagundu
enggo puas aku i tebu-tebundu
enggo besur aku terpan janji-janjindu
enggo muas gundari lanai tunggahindu

pangen menda kusuruti gara api
ibas bergehna wari
maka kupersingeti gundari nari
ula nai aku deheri

enggo terjeng jenda saja
arih-arihta lanai terpegedang
lanai bo rulih amin pe megenggeng

enggo me turang pangen kita sirang
kusuruti sope aku terbuang

enggo medu aku ngidah-ngidah lagundu
enggo puas aku i tebu-tebundu
enggo besur aku terpan janji-janjindu
enggo muas gundari lanai tunggahindu

pangen menda kusuruti gara api
ibas bergehna wari
maka kupersingeti gundari nari
ula nai aku deheri

Tania Br Sembiring - Lanai (879 downloads)

Menci Kisik

Voc. Frans Uluna Ginting
Cipt. Frans Uluna Ginting

lanai kam kari lako agi
adi metuda segedang gedang wari
perobahi lagundu ena agi
ula megelut kena adi pandangi

tiap lit jelma mentas penatapndu melewas
pandangindu cakapkenndu
singerina temanndu cikurak kerina imbangndu rubat

mbiar kami dilaki agi adi diberu terberita pertensi
kacai ayondu ena agi bulung galuh kapalna sada inci
turi-turin singuda-nguda ciri ciri ia metuda
nguncim nguncim ras kusik kusik
nde mentas kenca siman cikuraken
guntar bagi menci kisik

gia rondongku tuhu lalit
adi man bandu aku labo nggit
si kudarami beluh cari duit
perkeleng janah ia la merambit
kurangi cikurak e metuda lanai jamanna nande tigan
durui ukurndu e kanting cuan e

lanai kam kari lako agi
adi metuda segedang gedang wari
perobahi lagundu ena agi
ula megelut kena adi pandangi

tiap lit jelma mentas penatapndu melewas
pandangindu cakapkenndu
singerina temanndu cikurak kerina imbangndu rubat

mbiar kami dilaki agi adi diberu terberita pertensi
kacai ayondu ena agi bulung galuh kapalna sada inci
turi-turin singuda-nguda ciri ciri ia metuda
nguncim nguncim ras kusik kusik
nde mentas kenca siman cikuraken
guntar bagi menci kisik

gia rondongku tuhu lalit
adi man bandu aku labo nggit
si kudarami beluh cari duit
perkeleng janah ia la merambit
kurangi cikurak e metuda lanai jamanna nande tigan
durui ukurndu e kanting cuan e

Frans Uluna Ginting - Menci Kisik (600 downloads)

Kuliki

Voc. Frans Uluna Ginting
Cipt.

natapsa kuliki kabang i langit meganjang mayap ayap
sitik pe la kusangka anak manuk kepe garangenna
natapsa rupandu merinding buluk kuduk e manis menggoda
sitik pe la kuduga em erbansa aku terdaya

ndiko andiko manisna cakapndu
tapi manisen banndu man sideban
beluh kel kena nggargari dompetku
kepe em banndu asamndu ngerayu dilaki sideban

kuakap buah galiman kepeken buah kedongdong
ah enggo me nande tigan
mela sitik dong

Frans Uluna Ginting - Kuliki (501 downloads)