Title: Baleng Juma
Date: 2013-10-14 15:33
Author: Tommy
Category: Anta Prima Ginting
Tags: Anta Prima Ginting
Slug: baleng-juma

Voc. Anta Prima Ginting

[dilaki]
bide baleng jumana
kalak kusabah muat gagaten
ise kel nge jelmana
ma labo salah i perkuanken

[diberu]
sabah muro i sabah
lempe bulungna si bunga ndawa
salah labo min salah lah ula dungna lit si merawa

[dilaki]
beru kai kam turang
[diberu]
beru biring
[dilaki]
beberena agi
[diberu]
bere ribu
[dilaki]
ja kutanta turang
[diberu]
teruh deleng
[dilaki]
pendahinndu agi
[diberu]
muro perik

[diberu]
pala-pala ertutur ula min la erkesehen
[dilaki]
aku pe la teku malem adi lenga oratindu

[dilaki]
merap lau pancuren gelah terakap i peridiken
natap rupandu cirem pernah kuakap kam kunipiken

[diberu]
tama lau bas kuran
belo ras gapak bas batang biri
pala enggo erkuan
labo terakap jumpa bas nipi

[diberu]
kai mergandu turang
[dilaki]
mama ginting
[diberu]
bere kai kam kaka
[dilaki]
bere karo
[diberu]
ja kutandu abang
[dilaki]
i Surbakti
[diberu]
kai dahinndu turang
[dilaki]
nuan rimo

[dilaki]
kune tedeh kel pagi ateku kena
[diberu]
dahindu aku reh lah kam pagi ku kuta
[dilaki]
ntah ertunas kel pagi ateku ngena
[diberu]
ngata kel kam gelah ras kita nuansa

Aci Br Sembiring ras Anta Prima Ginting - Baleng Juma (3236 downloads)
Baleng Juma
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x