Erkata Bedil

Erkata Bedil
Cipt. Djaga Depari
Voc. Martin Peranginangin ras Siska Br Bangun

erkata bedil i kota medan turang la megogo
ngataken kami maju ngelawan ari oh turang
tading ijenda si turang besan turang la megogo
rajin kujuma si muat nakan ari o turang

oh turang la megogo (kai aku nindu turang)
uga sibahan arihta
arih arihta tetap ersada ari oh turang

adina lawes kena ku medan perang turang la megogo
petetap ukur ula melantar ari oh turang
adina ue nina pagi pengindo turang la megogo
sampang nge pagi simalem ukur ari o turang

oh turang la megogo (kai nindu ari turang)
uga sibaha arih-arihta
arih-arihta tetap ersada ari o turang

adina sudu tangkena lenga turang la megogo
pasarna licin bentengna waja ari oh turang
adina tuhu atendu ngena turang la megogo
tangtangi cincin man tanda mata ari oh turang

oh turang la megogo (kai nindu ari turang)
uga sibaha arih-arihta
arih-arihta tetap ersada ari o turang

oh turang la megogo (kai nindu ari turang)
uga sibaha arih-arihta
arih-arihta tetap ersada ari o turang

Martin Peranginangin ras Siska Br Bangun - Erkata Bedil (9522 downloads)

18 thoughts on “Erkata Bedil”

  1. aku sangana ndarami kaset ntah cd lagu-lagu karo singgo ndekah, kira-kira tahun 80-en. banci sampatindu aku. mjj

    1. lit bas aku 1 cd mp3 lagu ndekah, saja labo kueteh kel tahun piga ah ndai ndaratna. kari taku kirim ku emailndu judul2na ntah pas kin. bujur

    2. Aku sangana ndarami judul lagu terbayang bayang ,singerendekensa Herliana br karo versi si 1
      Lenga kudat lalap..
      Mindo aku sampatindu ndaramisa

      1. Si uga lirikna lagu terbayang-bayang versi 1 enda?
        si lit bas aku bagenda lirikna “tangtangna kita jumpa minter ateku ngena
        kena nge nde bayang kena nge mesayang”
        pas nge e?

  2. sepertinya masih banyak lagu2 Djaga Depari yang indah yang belum tercatat pada blog ini?! Mengapa tidak ada lagu-lagu ciptaan Henry Bangun?

    1. memang melala denga lagu-lagu Alm. Djaga Depari si lit bas jenda. (kurang lebih 13 judul lagu denga), perbahan lenga lit lagu-laguna bas kami.
      adina lit bas kam banci i kirimkenndu man kami, gelah i tamaken ku bas blog enda.

      Lagu-lagu Henry Bangun la kap lit bas kami, jadi la banci i tamaken ku bas blog enda.

      Bujur


      Karo Networks

  3. Tetap jaga dan lestarikan adat budaya tanah Karo. Salam persaudaraan sejati untuk semua.. Bujur.

  4. Aku pagi ku endeken bas sekolah e ibas tugas lagu adat. mera-mera ku inget ras mejile aku rendeken lagu enda. Toto kena simasu-masu aku pal..

Leave a Reply

Your email address will not be published. Required fields are marked *