Menu Close

Mandike

Cipt. Madsen Sembiring
Voc. Sastrawan Tarigan

enda man kai turang suanndu buah mandike
adilabo banci mesayang pepagi i dayaken
enda man kai turang ngayak-ngayak rupa mejile
lagu langkahna pe turang lalap naring nge njuruken

emaka kusuan turang bage sibuah gundur
buatndu sada pe turang la pedah kena nukur
maka daramindu lah turang bagi aku jelma rukur
bage gia ningku mesayang madian me kita ertutur

enda ngelilit turang bage turang batang surindan
i lilitina turang bage si batang rimo
gelah enggo tehndu mesayang aku enda mama Tigan
anak singuda e mesayang nina bebere Karo

mandike e pe turang tatapen bagi gundur
rupa mejile e pe mesayang banci denga nge pagi luntur
surindan tadingken juma kutiga kubaba rimo
mama Tigan enda jelmana asa gundari lalap la lako

adi gulendu turang pagi sibuah terung
segelah melam nanamna adumna ibahan nurung
kune pepagi mesayang arih-arihta lanai surung
em dalan-dalanna mesayang aku usur tangis ngandung

Sastrawan Tarigan - Mandike (5944 downloads )
Subscribe
Notify of
guest

0 Comments
Inline Feedbacks
View all comments
0
Would love your thoughts, please comment.x
()
x